I dërguari i posaçëm i Bashkimit Evropian, Miroslav Lajçak, ka thënë se Serbia e ka zbatuar marrëveshjen e vitit 2013, ndërsa Kosova jo.
Ai tha se serbët e kanë bërë shkrirjen e strukturave paralele në sistemin juridik të Kosovës, ndërsa autoritet kosovare nuk e kanë krijuar asociacionin.
Por, është neni i 14-të i marrëveshjes së vitit 2013 të cilin Serbia e ka shkelur pandërprerë dhe Bashkimi Evropian nuk ka reaguar kurrë.
“Është dakorduar që asnjëra palë nuk do të bllokojë, apo inkurajojë të tjerët të bllokojnë, progresin e palës tjetër në rrugën përkatëse drejt BE-së”, thuhet në nenin 14.
Profesori Universitar Milazim Krasniqi, thotë se Bashkimi Evropian që nga fillimi i dialogut nuk i ka trajtuar palët në mënyrë të barabartë.
Astrit Istrefi, nga Forumi Ballkanik thotë se qasja e Lajçak nuk është e drejtë, por sipas tij, Qeveria e Kosovës duhet ta marr si reflektim.
Atë çfarë e thotë neni 14 i marrëveshjes së vitit 2013, e thotë edhe neni 4 i marrëveshjes së fundit në Bruksel, por pavarësisht kësaj diplomati serb Ivica Daciq, të enjten ka deklaruar se Serbia nuk të pranojë që Kosova të jetë pjesë e OKB-së.
Kronika e gazetarit, Valmir Gallopeni.