Neymar mban rekordin e transferimit më të shtrenjtë në historinë e futbollit. PSG pagoi 222 milionë euro në arkat e Barcelonës pesë vite më parë dhe braziliani vijoi karrierën në kryeqytetin francez.
Shumë është folur për një rikthim të sulmuesit brazilian në “Camp Nou” gjatë këtyre viteve, teksa tifozët e PSG-së e kanë humbur durimin, duke e shpallur si një nga lojtarët më të padëshiruar.
Kampionët e Francës do të humbasin Kylian Mbappe si lojtar të lirë dhe pritet të sakrifikojnë edhe Neymar. Sky Sports UK raporton se Nasser Al-Khelaifi, presidenti i PSG-së, kërkon 90 milionë euro për të lënë të lirë Neymar.
Champions League vijon të mbetet ëndrra dhe objektivi i madh i PSG-së, që për sezonin e ardhshëm pritet t’i besojë pankinën Antonio Contes, me italian që cilësohet si pasuesi perfekt i Maurizio Pochettinos.
