Dhëndrri dhe këshilltari i presidentit amerikan, Donald Trump, Jared Kushner ka thënë në një intervistë se Izraeli duhet të përmirësojë jetën e palestinezëve nëse dëshiron integrim në rajon.
“Mesazhi më i madh që u munduam t’ia përcjellim udhëheqësisë izraelite është që, tash që lufta është kryer, nëse dëshiron të integrosh Israelin me Lindjen e Mesme më gjerë, do u duhet të gjeni një mënyrë për të ndihmuar palestinezët të përmirësojnë jetën”, tha Kushner në një intervistë për CBS të dielën në mbrëmje.
Kushner dhe i dërguari special i SHBA-së për Lindje të Mesme, Steve Witkoff po qëndrojnë në Israel në përpjekje për të riforcuar marrëveshjen e paqes të arritur në Egjipt.
Ai tha se ai dhe Witkoff “sapo kishin filluar” t’ia përcillnin këtë mesazh Izraelit, citon The Times of Israel.
“Atë që do të quhet me kalimin e kohës, ne do t’ua lejojmë palestinezëve ta përcaktojnë vetë”, tha ai, në përgjigje të një pyetjeje në lidhje me rrugën drejt shtetësisë palestineze.
