Mbi Urën e Ibrit që nga mëngjesi janë duke u kryer testime.
Aty siç shihet nga videot dhe fotografitë e realizuara nga Tëvë1, të pranishëm janë edhe pjestarë të KFOR-it.
Ura është testuar edhe nga kamionët.
Nga Qeveria e Kosovës nuk ka pas ndonjë njoftim për këto testime, ndërsa Tëvë1 mëson se këto matje po bëhen më kërkesë në Bashkimit Evropian.
Testimi dhe intervenimi në këtë urë ishin bërë nga Qeveria e Kosovës edhe vitin e kaluar.
Ato veprime ishin bërë pas paralajmërimeve për hapjen e kësaj ure për qarkullim edhe për automjete.
Paralajmërimet e Qeverisë për hapjen e Urës së Ibrit ishin kundërshtuar nga faktori ndërkombëtarë, përfshirë edhe KFOR-in. Zyrtarët qeveritarë ishin shprehur të vendosur për hapjen e saj, por që më pas ndryshuan qëndrim duke thënë se kjo do të bëhet në koordinim me KFOR-in.
