Nga 9 shkurti i vitit 2025 kur janë mbajtur zgjedhjet parlamentare, formimi i institucioneve të reja nga ky proces ende nuk është bërë.
Kjo pasi nga 15 prilli kur është mbajt seanca e parë e deri këtë të shtunë, ka dështuar konstituimi i Kuvendit, pas 10 përpjekjeve.
Por, cili ka qenë historiku i zgjedhjes së kryeparlamntarit në Kosovë.
I pari ishte zgjedhur më 10 dhjetor të vitit 2021.
Rezultatet e zgjedhjeve, bën që Lidhja Demokratike e Kosovës t’i fitojë plot 48 ulëse në sallën plenare.
Atëbotë, Korniza Kushtetuese, përcaktonte që kryekuvendari të jetë nga grupi më i madh parlamentar.
Kështu, njeriu i parë që do të ulej në karrigen e kryetarit të institucionit legjislativ, ishte Nexhat Daci nga LDK.
E Daci do të rizgjidhej në këtë pozitë, edhe në legjislaturën e dytë.
Kjo meqë LDK, i fitoi edhe zgjedhjet parlamentare të 23 tetorit të vitit 2004.
Por, ndryshe nga hera e parë, Daci nuk pati fatin t’i priste zgjedhjet e treta në këtë pozitë.
Kjo meqë kryesia e Lidhjes Demokratike të Kosovës, pas një mbledhje me 15 vota pro dhe 4 abstenime e shkarkoi Dacin nga pozita e kryetarit të Parlamentit të Kosovës.
E vendin e tij, e mori Kolë Berisha.
Nënkryetari i LDK-së, mbajti pozitën e për një vit, deri në zgjedhjet e parakohshme parlamentare të vitit 2007.
Këto zgjedhje, bën që të formohej edhe legjislatura e tretë, e që ishte e fundit nën administrimin e UNMIK-ut.
Për herë të parë, Partia Demokratike e Kosovës, doli fituese.
Këta të fundit për pozitën e kryeparlamentarit, e propozuan Jakup Krasniqin.
Ky i fundit patin fatin që të jetë edhe kryetari i parë i Kuvendit, në shtetin më të ri në Evropë.
Në këtë pozitë, ish-zëdhënësi i UCK-së, do të qëndronte edhe në legjislaturën e katërt deri në vitin 2014.
Në legjislaturën e pestë, i pari i Kuvendit do të vinte përsëri nga Partia Demokratike e Kosovës.
Behët fjalë për ish-zëvendës kryetarin në këtë subjekt, Kadri Veselin, i cili për këtë pozitë i mori votat e mjaftueshme edhe në legjislaturën e gjashtë.
Ndërkohë, u deshtë të kalonin plot 20 vjet, që Kosova për herë të parë ta ketë një kryetare të Kuvendit.
Në seancën konstituive të 3 shkurtit, Vjosa Osmani nga LDK, e mori përkrahjen e mjaftueshme nga deputetët për këtë pozitë, në legjislaturën me jetëshkurtër.
Kjo legjislaturë, përfundoi pas një viti, meqë qeveria e udhëhequr nga Avdullah Hoti ishte shpallur jokushtetuese.
Kështu, në legjislaturën e tetë karrigen e kryetarit të Kuvendit e zuri përsëri një burrë.
Lëvizja Vetëvendosje në zgjedhjet e 14 shkurtit mori mbi 50% të votave.
Në këtë formë, Glauk Konjufca u bë edhe kryetari i parë i cili mandatin e rregullt do ta çonte deri në fund.
Ndërkohë, pas zgjedhjeve të 9 shkurtit, në ulësen e Kuvendit të Kosovës, po tenton të kthehet serish një grua.
Por, Albulena Haxhiu nga VV, dështoi t’i mblidhte 61 vota në plot 7 tentime.
Ndërkaq tentimi i radhës, do të jetë të hënën nga ora 10:00.
