Analisti, Xhevdet Pozhari në emisionin “Këndi i Debatit” në Tëvë1 ka renditur emrat të cilët ai pret se do të jenë më të votuarit nga Lëvizja Vetëvendosje.
Sipas Pozharit njeriu i cili do të jetë bindshëm njeriu më i votuar në Kosovë dhe që do t’i prijë dhjetëshes së LVV-së do të jetë Albin Kurti.
Pjesë e dhjetëshes më të votuar të LVV-së për Pozharin do të jenë edhe Glauk Konjufca, Faton Peci, Hekuran Murati, Albulena Haxhiu, Donika Gërvalla, Mimoza Kusari, Artane Rizvanolli, Xhelal Svecla, Arben Vitia, si dhe Edona Lllalloshi.
“Mendoj që nga ajo listë që e kam parë Kurti do të jetë bindshëm njeriu më i votuar në Kosovë. Konjufca mund të jetë edhe më i votuar sesa dy kandidatët për kryeministra Hamza dhe Abdixhiku. Mendoj se ministrat disa prej tyre do të jenë goxha me një përkrahje të madhe për shembull Faton Peci mund të del si kryetar partie më i votuar sesa Memli Krasniqi, mendoj se prej ministrave që do të dalin si shumë të votuar do të jetë edhe Hekuran Murati, më pas mendoj që prej grave më e votuara mund të jetë Albulena Haxhiu, si dhe do të jetë ministri, Xhelal Sveçla, po ashtu mund të jetë ministri Arben Vitia. Mendoj që ajo që ka qenë më e sulmuara shefja e grupit parlamentar Mimoza Kusari-Lila gjithashtu do ta ketë mobilizuar votuesin e Vetëvendosjes dhe do të hyjë në dhjetëshen e personave që do të jenë më të votuar nga LVV-ja dhe ndoshta dhjetëshja do të përmbyllet me Edona Llalloshin. Por ajo që pres që mund të jetë befasi e mirë në këto zgjedhje mund të jetë edhe ministrja Artane Rizvanolli që garon për herë të parë në listë për deputetë. Edhe Donika Gërvalla mendoj se do të jetë madje mund të jetë tek e gjashta ose shtata në dhjetëshe. Pra këta janë emrat të cilët unë pres që të jenë më të votuarit”, ka deklaruar ai./teve1.info/
