Juristja e së drejtës së medias, Flutura Kusari, ka reaguar ndaj deklaratave të ministrit të Brendshëm, Xhelal Sveçla, i cili tha se disa gazetarë në bashkëpunim me Serbinë po e organizojnë protestën e veteranëve të UÇK-së, raporton teve1.info
Kusari përmes një postimi në Facebook, tha se ndërlidhja e punës së gazetarëve të Kosovës me Serbinë dhe Vuçiqin qon në dhunë online dhe potencialisht në dhunë fizike.
“Ndërlidhja e punës së gazetarëve të Kosovës me Serbinë dhe Vuçiqin është e rrezikshme dhe qon në dhunë online dhe potencialisht edhe në dhunë fizike.
Statusi i Ministrit Sveçla është sulm serioz ndaj gazetarëve dhe nxitje e masave për t’i kundërshtuar ata. Dihet që masat nganjëherë nuk zgjedhin metoda.
Ministri Sveçla, Lëvizja Vetëvendosje dhe zyrtarët dhe mbështetësit e tyre duhet ta kuptojnë që duke i sulmuar mediat dhe gazetarët nuk mund t’i frikësojnë dhe nuk do t’i frikësojnë apo heshtin ato.
Për aq kohë sa kjo qasje nuk ndryshon, gazetarët mbesin jashtëzakonisht të kërcënuar dhe duhet të frikësohen për sigurinë e tyre ndonëse nuk është në natyrën e tyre të frikësohen”, ka shkruar ajo.
