Deputetja nga Lista e Vetëvendosjes, Mimoza Kusari-Lila ka thënë se vendi ka nevojë urgjente për formimin e institucioneve dhe nuk mund të mbetet peng i kalkulimeve politike.
Ajo në një postim në Facebook ka thënë se opozita duhet të reflektojë.
“Pavarësisht mosdakordësive dhe rivaliteteve politike, vendi nuk mund të mbetet peng i kalkulimeve partiake. Kosova ka nevojë urgjente për funksionalitet institucional. Opozita duhet të reflektojë me përgjegjësi për domosdoshmërinë e konstituimit të Kuvendit, për formimin e qeverisë dhe për kthimin e plotë të kompetencave qeverisë në detyrë. Qytetarët kanë votuar dhe presin që institucionet të funksionojnë dhe të marrin vendime fuqiplotë, jo të zvarriten për shkak të inateve politike dhe mospjesëmarrjes në votime në Kuvend”, ka shkruar ajo.
Kusari – Lila ka thënë se qëndrimet e partitive opozitare janë shprehej e paknaqësisë dhe mospranim i rezultatit të zgjedhjeve të 9 shkurtit
