Shefja e Grupit Parlamentare të LVV-së, Mimoza Kusari-Lila ka thënë se raporti i DASh-it ka disa lëshime dhe pasaktësi.
Sipas saj, pasaktësitë janë tek evidentimi dhe konstatimi për numrin e grave në pozita udhëheqëse, ministrore dhe prezencën e grave në jetën ekonomike.
Ajo tha se angazhimi i grave në jetën publike dhe ekonomike këto tre vite është më i madh se asnjëherë më parë.
“Raporti i DASH-it nuk e bën ndarjen cilësore të akterëve për të cilët AGK tregon që kanë sulmuar gazetarët. Një element shqetësues mbetet siguria e grave dhe parandalimi i vrasjeve. Raportet në vazhdimësi i referohen dënimeve të ulëta apo dështimeve të gjyqësorit. Për këtë arsye vettingu duhet të jetë prioritet. Me gjithë korrektësinë, raporti ka lëshime dhe disa pasaktësi, pasaktësitë janë tek evidentimi dhe konstatimi për numrin e grave në pozita udhëheqëse, ministrore dhe prezencën e grave në jetën ekonomike. Angazhimi i grave në jetën publike dhe ekonomike këto tre vite është më i madh se asnjëherë më parë”, u shpreh Kusari-Lila.
Ndryshe, në këtë seancë është paraparë të shqyrtohen projekt-rezoluta për adresimin e gjetjeve të Raportit të Departamentit Amerikan të Shtetit- DASH.
