Ajo ka thënë se gjatë kësaj kohe ka pasur rritje ekonomike, luftim të korrupsionit si dhe stabilitet.
“Nesër bëhet një vit që prej ne kemi marr mandatin. Ka qenë një vit dinamik që karakterizohet me efektet e pandemisë. Vit që ka shënuar progres në rritjen ekonomike. Vit i cili ka hap mundësi të reja për vitin që jemi dhe që vjen. Ka pasur një mori të agjencive që ka pasur pa borde. Në aspektin legjislativ, 109 projektligje i janë proceduar kuvendit për miratim”, ka thënë Kusari –Lila pas mbledhjes së Kryesisë së Kuvendit të hënën.
Ajo tha se ata që kritikojnë punën e qeverisë duke ju referuar opozitës, siç është shprehur ajo duhet të shoh veprimet e veta.
“Kushdo që synon dhe kritikon duhet të marr pasqyrën dhe të shoh veprimet e veta që ka pasur por edhe sjelljen. Jemi duke u ballafaquar me akumulim të pakënaqësive me dekada. E njëjta është diskutimi për pagën minimale. E dyta në tersi për sektorin publik. E treta për rritjen e çmimeve në sektorin energjetik. Prandaj nuk mundet me u kërkua zgjidhje brenda vitit për problemet me dekada. Gjithashtu mbetet një sfidë edhe reforma e thellë në administratën publike e cila paralel do të shkojë me çështjen e pagave”, tha ajo.
