Kusari-Lila tha se në këtë takim është diskutuar për reformat që ka ndërmarrë Qeveria dhe Kuvendi në Legjislaturën e tetë.
“Në këto takime u diskutua për reformat që ka ndërmarrë Qeveria dhe Kuvendi në Legjislaturën e VIII-të, në funksion të sundimit të ligjit dhe reformat e ndërmarra në sistemin e drejtësisë, luftimin e krimit dhe korrupsionit, qasjen sistematike të institucioneve në fushën e përafrimit ligjor me acquis të BE-së, krizën energjetike në të cilën po kalon Kosova krahas vendeve të rajonit dhe më gjerë si pasojë e një krize të përbashkët që po ballafaqohemi. Gjithashtu, u diskutua mbi situatën e krijuar si pasojë e luftës së Ukrainës në vend dhe rajon, si dhe ndikimi i saj aktual dhe ai potencial në të ardhmen që do të apo mund të ketë në sigurinë e vendit, rajonit dhe Evropës”, ka shkruar ajo.
Ajo thotë se nga anëtarët e delegacionit të Kosovës janë ritheksuar kërkesat dhe rëndësia e menjëhershme e finalizimit të procesit të liberalizimit të vizave.
“Nga anëtarët e delegacionit të Kosovës u ritheksuan kërkesat me rëndësia të jashtëzakonshme dhe e menjëhershme e finalizimit të procesit të liberalizimit të vizave, kërkesa për mbështetje në proceset e të ardhmes së afërt me rastin e aplikimit të Republikës së Kosovës për anëtarësim në Këshillin e Evropës, NATO, qëllimin për të aplikuar për anëtarësim në Bashkimin Evropian, si dhe organizatat tjera ndërkombëtare. Gjithashtu, delegacioni paraqiti kërkesën që së bashku me institucionet e BE-së të bashkëpunojnë në menaxhimin e krizës energjetike, ekonomike dhe kërkesave tjera sociale si rrjedhojë e luftës në Ukrainë që po zhvillohet”, tha Kusari-Lila. /teve1.info/
Postimi i plotë i saj:
