Zyra e Kryeministrit ka njoftuar se gjatë kësaj vizite, Kurti ka thënë se kur mërgata vjen në Kosovë i sjellë familjes çokollata zvicerane.
“Duke shprehur kënaqësinë për vizitën, kryeministri Kurti ka thënë se zakonisht kur mërgata jonë e madhe vjen në Kosovë, i sjellë familjes çokollata zvicerane. Me çokollatën zvicerane mirëpritet secili në Kosovë, por edhe kudo tjetër, ka thënë kryeministri”, thuhet në njoftim.
Tutje ai u ka bërë thirrje drejtuesve të kësaj kompanie që të kenë parasysh hapjen e një dege të prodhimit të çokollatës edhe në Kosovë.
“Për shkak të diasporës sonë të madhe, posaçërisht në vendet gjermanofolëse Zvicër, Gjermani dhe Austri dhe dërgesave të tyre prej një miliard euro në vit, konsumi vendor është në shkallë të mirë, ka thënë kryeministri Kurti. Si faktorë të klimës së mirë për investime, ai ka potencuar indikatorët pozitivë ekonomikë, rritjen ekonomike impresive dyshifrore, si dhe punën drejt themelimit të Gjykatës Komerciale në Kosovë”, thuhet ndër tjerash në njoftim./teve1.info/
