Kryeministri i Kosovës, Albin Kurti, ka thënë se të mbijetuarat e luftës përkundër traumave të pashlyeshme kanë treguar forcë të jashtëzakonshme për të ndërtuar një jetë të re.
Kurti, ka shtuar se me qellim të luftimit të padrejtësive për herë të parë pas luftës kanë miratuar strategjinë për drejtësi tranzicionale.
“Për këto 25 vjet ishte jetik roli i organizatave të shoqërisë civile, veçanërisht ato të udhëhequra nga gratë, mbrojtja e të drejtave të njeriut është mision humanitar që kërkon përkushtim, guxim dhe empati. Përkundër traumave të pashlyeshme, të mbijetuarat kanë treguar forcë të jashtëzakonshme për të ndërtuar një jetë të re. Mirënjohje për to. Si shtet e shoqëri po ecim përpara, teksa po punojmë për ballafaqimin me të kaluarën, me përkushtimin tonë për të luftuar padrejtësitë. Me këtë qëllim kemi miratuar për herë të parë pas luftës strategjinë për drejtësi tranzicionale. Kemi filluar procesin e dokumentimit të krimeve të luftës. E ardhmja që po ndërtojmë do të jetë më e mirë. Gëzuar 25 vjetorin”, deklaroi ai në Konferencën Ndërkombëtare mbi dhunën seksuale, të organizuar nga Qendra Kosovare për Rehabilitimin e të Mbijetuarve të Torturës (QKRMT)./teve1.info/
