Ministrja e Drejtësisë, Donika Gërvalla, ka reaguar pas mbledhjes së Këshilli Prokurorial i Kosovës, ku Arian Gashi u zgjodh kryesues i këtij institucioni.
Ajo u shpreh se zgjedhja e kryesuesit është një hap i rëndësishëm që ndihmon në zbatimin e reformës në drejtësi, proces i cili, sipas saj, ka kohë që është nisur nga institucionet e vendit për të ndërtuar një shtet ligjor dhe një sistem prokurorial funksional.
Gërvalla theksoi se funksionalizimi i plotë i Këshillit Prokurorial është i domosdoshëm për zbatimin dhe thellimin e reformës në drejtësi, si dhe për forcimin e pavarësisë, integritetit dhe llogaridhënies në sistemin prokurorial.
Ajo shtoi se pret që përbërja e re e këtij institucioni të kontribuojë me përgjegjësi në avancimin e reformës dhe në fuqizimin e sundimit të ligjit në vend.
“Shteti ligjor është realitet vetëm kur ligji dhe drejtësia sundojnë mbi çdo ndikim tjetër”, ka deklaruar ministrja e Drejtësisë./teve1.info/
