Kryeministri në detyrë i Kosovës, Albin Kurti ka thënë se Forca e Sigurisë së Kosovës po dëshmon aftësi ndërvepruese me vendet e NATO-së.
Ai ka thënë se ushtrimi “Defender Europe 25” është duke u zhvilluar me sukses të plotë në Republikën e Kosovës.
Kurti kështu është shprehur në Facebook, pasi ka njoftuar se ka vizituar disa regjione ku po zhvillohet ky ushtrim.
“Sot po ashtu patëm rastin të shohim investimet infrastrukturore që jemi duke i bërë në zonën kryesore të trajnimit në Babaj të Bokës”, ka shkruar Kurti./teve1.info/
