Kryeministri i Kosovës, Albin Kurti, e ka uruar presidenten e Komisionit të BE-së, Ursula von der Leyen, për formimin e Komisionit të ri të BE-së.
Kurti ka thënë se mezi pret që të punojnë së bashku për ta dërguar Kosovën drejt anëtarësimit në Bashkimin Evropian.
“Urime Presidentes së Komisionit të BE-së, Ursula von der Leyen, për formimin me sukses të Komisionit të ri. Mezi presim të punojmë së bashku për ta çuar Kosovën drejt anëtarësimit në BE”, ka shkruar Kurti në platformën X.
Congratulations to EU Commission President @vonderleyen on successfully forming the new Commission. We look forward to working together to advance Kosova towards joining the Union.
— Albin Kurti (@albinkurti) November 27, 2024
Parlamenti Evropian me shumicë votash ka konfirmuar të mërkurën përbërjen e re të Komisionit Evropian, që në pesë vjetët e ardhshëm përsëri do të drejtohet nga Ursula von der Leyen.
Për përbërjen e re të Komisionit Evropian 370 deputetë votuan për, 282 ishin kundër, ndërsa 38 abstenuan./teve1.info/
