Kryeministri i Kosovës, Albin Kurti, ka uruar besimtarët myslimanë për fillimin e muajit të Ramazanit, raporton teve1.info.
Kurti ka thënë se ky muaj i mëshirës dhe mirësisë, sjelltë paqe në zemrën e secilit.
Kryeministri i vendit ka uruar agjërim të lehtë e të pranuar për personat që agjërojnë.
“Bashkë me zgjerimin e kraharorit, të zgjerohet edhe sofra. Bashkë me iftaret, me bujari të shtrohen udhë të reja që bashkojnë në mirësi. Me bamirësi dhe në solidaritet me ata që kanë më pak. Me përkushtim ndaj Zotit, me mendje tek e mira e udhëzim kah e drejta. Me vullnet të fortë në rrugën e dashurisë e të dijes, për barazi e përparim të shoqërisë”, ka shkruar Kurti në Facebook.
