Kryeministri i Kosovës, Albin Kurti, nga Parisi ka udhëtuar për në Malaga të Spanjës, ku do të marrë pjesë në Kongresin e Partisë së Socialistëve Evropianë 2023.
Zyra e Kryeministrit thotë se ky kongres “Evropa në krye” do të bashkojë krerë e liderë të shteteve e qeverive të udhëhequra simotra.
“I titulluar “Evropa në krye”, ky kongres do bashkojë krerë e liderë të shteteve e qeverive të udhëhequra nga parti simotra, aktivistë e mbështetës nga e gjitha Evropa për të diskutuar çështje, zgjedhur udhëheqësinë e PES dhe përgatitur për zgjedhjet e ardhshme evropiane”, thuhet në njoftim.
Gjatë kësaj vizite njëditore, Kurti do të jetë i shoqëruar nga ministri i Kulturës, Rinisë dhe Sportit, Hajrullah Çeku, si dhe nga zëvendësministri i Punëve të Jashtme dhe Diasporës, Kreshnik Ahmeti./teve1.info/
