Kryeministri i Kosovës, Albin Kurti ka udhëtuar drejt Shteteve të Bashkuara të Amerikës ku do të marrë pjesë në Konventën Kombëtare Demokratike e cila zhvillohet në Chicago.
Në njoftimin e ZKM-së bëhet e ditur se Kurti do të jetë pjesëmarrës dhe në një panel diskutimit me titull “Konventa Kombëtare Demokratike dhe Roli i Partive Politike”.
“Përgjatë qëndrimit në ShBA, Kryeministri do të ketë edhe takime të ndryshme bilaterale”, thuhet në njoftim.
“Kryeministri i Republikës së Kosovës, Albin Kurti, udhëtoi drejt Shteteve të Bashkuara të Amerikës, ku do të marrë pjesë në Konventën Kombëtare Demokratike, e cila nis sot dhe zhvillohet në Çikago. Kryeministri Kurti do të jetë pjesëmarrës dhe në një panel diskutimi me titull “Konventa Kombëtare Demokratike dhe Roli i Partive Politike”. Paneli do të hapet nga kryesuesi i bordit drejtues të NDI, Tom Daschle, dhe do të moderohet nga Presidentja e NDI, Tamara Wittes, e ku ndër të tjerë pjesë e panelit do të jetë dhe ish-Sekretari i NATO-s, Lord George Robertson dhe Donna Brazile, ish-drejtuese e Komitetit Kombëtar Demokrat dhe tashmë pjesë e bordit të NDI. Përgjatë qëndrimit në ShBA, Kryeministri do të ketë edhe takime të ndryshme bilaterale”, thuhet në njoftim.
