Gjatë fjalimit të tij, Kurti tha se UÇK-ja ishte e drejtë andaj edhe do të dalë e pastër nga gjyqet, të cilat ai thotë se janë të imponuara padrejtësisht nga politikanë jolargpamës.
“UÇK-ja ishte dhe është e drejtë andaj do të dalë e pastër edhe nga gjyqet e imponuara padrejtësisht nga politikanë që u mungonte largpamësia”, tha Kurti.
Madje, ai ka folur edhe për ish-deputetin e LVV-së, Rexhep Selimi i cili ndodhet në Hagë dhe akuzohet për krime luftë.
Kurti i ka uruar lirim të shpejtë Selimit dhe të gjithë ish-krerëve të UÇK-së që po mbahen në dhomat e paraburgimit në Hagë.
“Rexhep Selimi, aktivisti ynë, deputeti, gjenerali i UÇK-së, që e kishim anëtar kryesie, e kryetar të grupit parlamentar, për të cilin kemi shumë krenari dhe mall pa çka se çmallemi kur kontaktojmë me të, por jam i sigurt që shpejt do ta kemi serish, teksa urojmë që të lirohet nga ato akuzat e pabaza që i janë bërë atij dhe të tjerëve”, ka shtuar ai.
