Kurti në një konferencë për media ka deklaruar se pasdite do të mbahet takimi i komisionit ekzekutiv për shëndetësi, i cili do të kryesohet nga vet kryeministri.
Ai thotë se nuk po synon zëvendësimin e ministrit të Shëndetësisë, por që siç u shpreh ai, me gjendjen e rëndë në shëndetësi nuk mund të merret vetëm ministria përkatëse
“Aty komunikimi do të shkoj në rregull, unë jam i bindur për këtë gjë edhe do të ndikojë për të mirë në komplet sektorin e shëndetësisë, jo vetëm në MSh. Sic e dini, unë jam udhëheqës i komisionit ekzekutiv për Fondin Sovran, diçka që lidhet me ekonominë. Jam udhëheqës i komisionit ekzekutiv për arsimin dhe aftësimin profesional në sistemin dual që lidh tregun e punës me shkollat profesionale. E tash jam duke udhëhequr edhe një komision për shëndetësi për të treguar që Qeveria e Kosovës nuk ia lë këtë gjë vetëm ministrisë, por për ta zëvendësuar atë. Pra, unë nuk do të jem ministri i Shëndetësisë. Qeveria e Kosovës e ka ministër të Shëndetësisë, doktor Rifat Latifin me të cilën unë bashkëpunojë mirë edhe ngusht. Por, gjendja në shëndetësi është aq e rëndë sa që nuk do të mund të merret vetëm ministria me të”, tha ai.
Shefi i ekzekutivit të Qeverisë tha se pas mbledhjes së qeverisë kanë pasur një diskutim me ministrat që javën e ardhshme secili t’i sjell katër apo pesë të arriturat kryesore.
“Për javën e ardhshme secili prej ministrave t’i sjell katër-pesë të arriturat kryesore për një vit e gjysmë. Sepse me 22 shtator, nesër një javë, në ora 08 të darkës bëhen një vit e gjysmë që qeveria jonë është zgjedhur. Edhe do të më sjellin këto të arritura, por në të njëjtën kohë kam thënë që t’i përmendin edhe katër-pesë të arriturat kryesore që janë të këqijat që i kemi ndalur. Sepse disa të mira vijnë pse janë ndalur disa të këqija, por duhet të ketë edhe të mira të cilat s’janë fare në raport me të keqen. E i kam kërkuar të dyja këto”, ka theksuar Kurti. /teve1.info/
