Kryeministri i Kosovës, Albin Kurti ka bërë të ditur se sot do të nis fushatën në Gjakovë.
I pari i Qeverisë ka paralajmëruar se gjate ditës do të ketë takime në fshatra të Gjakovës.
Madje ai ka treguar se në ora 18:00 në Sallën e Sportit “Shani Nushi” në Gjakovë do të bëhet hapja e fushatës për zgjedhjet e 9 shkurtit.
“Ditë e bardhë për të filluar fushatën faqebardhë. Po e nisim me Gjakovën e Gjakovës ia nisëm me fshatrat Cërmjan dhe Bec për të takuar banorët e rajonit të Dushkajës. Vazhdojmë përgjatë ditës me vizita e takime cep më cep të Gjakovës. Në orën 18:00 takohemi në Sallën e Sportit “Shani Nushi”, për tubimin e hapjes të fitores së zemrave të 9 shkurtit!”, ka shkruar kryeministri./teve1.info/
