Kryeministri i Kosovës, Albin Kurti ka thënë se organizata terroriste që strehohen në Serbi kanë paralajmëruar për sulme të ngjashme si ato të kaluarat para ose pas vitit të ri.
Ai ka thënë se këto sulme mund të realizohen varësisht prej interesave politike të presidentit serb, Vuçiq.
“Sulme të tjera ndaj infrastrukturës jetike kryesisht në veri janë paralajmëruar nga organizata terroriste që po strehohen në Serbi duke përmendur festat e fundvitit dhe krishtlindjet ortodokse. Sulmet mund të realizohen varësisht nga interesat politike të kreut të shtetit serb. Kësi metodash të sfidimit të sigurisë së Kosovës, të cilët për pasojë kanë jo vetëm cenimin e dëmtimin e infrastrukturës jetike, shkaktimin e incidenteve ndëretnike të cilat Serbia i nxit fort.. pritët të ndodhin edhe në të ardhmen e afërt e veçmas para dhe pas vitit te ri. Ne jemi të përkushtuar që edhe ketë metodë të Serbisë ta neutralizojmë tërësisht”, ka thënë Kurti në një konferencë për media, ku ka përsëritur se pas këtyre sulmeve qëndron, Serbia dhe Milan Radoiçiq.
