Zyra e Kryeministrit ka bërë të ditur se duke biseduar për zhvillimet e fundit në veri të vendit, Kurti ritheksoi se Qeveria e Kosovës ka treguar vendosmërinë për sundimin e ligjit dhe përkushtimin në ruajtjen e paqes dhe sigurisë në vend.
Në këtë takim është diskutuar edhe për propozimin franko-gjerman, përcjell teve1.info
“Kryeministri Kurti theksoi elementet e kornizës së marrëveshjes për normalizimin e plotë të raporteve me njohjen reciproke në qendër, ndërsa tha se propozimi franko-gjerman, që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne, shërben si bazë e mirë për diskutime të mëtejshme”, thuhet në komunikatë.
Kryeministri Kurti po merr pjesë në Forumin e Paqes në Paris, me ftesë të presidentit francez, Emmanuel Macron. /Teve1.info/
