Ai duke ju përgjigjur akuzave të opozitës, tha se ka dashur që pjesë të fitores t’i bëjë sindikatat me prezantimin e përbashkët të pakos për përballje me inflacionin.
“Nuk bëhet fjalë për triumfalizëm. Kam takuar përfaqësuesit e Sindikatës dhe i kam ftuar që bashkë ta bëjmë publike pakon e përballjes me inflacion, unë kamë dashur t’i bëjë pjesë të fitores po ata nuk kanë dashur, sepse pakoja ka qenë pjesë e trysnisë së tyre”, ka thënë Kurti, shkruan teve1.info.
Kryeministri gjatë seancës së Kuvendit tha se çmimet nuk janë rritur vetëm për mësimdhënësit, por për të gjithë qytetarët.
“Arsyeshmëria e mësimdhënësve për rritje të pagës ka qenë se çmimet janë rritur, por ato janë rritur për të gjithë dhe Qeveria ka ndihmë për të gjithë qytetarët”, tha Kurti.
