Kurti gjatë një konference për medie tha se kjo mund të bëhet me pak më shumë trysni nga BE e SHBA mbi Beogradin.
“Normalizimi i marrëdhënieve ka nevoje për marrëveshje ligjërisht të obligueshme me njohje në qendër. Unë besoj që kjo është e mundur sepse besoj në BE dhe SHBA që të bëjnë trysni shtesë mbi Serbinë”, tha Kurti.
Ndërsa sa i përket deklarimeve të presidentit serb për çnjohje e shteteve ndaj Kosovës, Kurti tha se kjo më shumë është një përpjekje e Beogradit të tregohet i suksesshëm.
“Njohjet më shumë janë përpjekje e Beogradit në një situatë kur ata e kanë humbur mbështetjen të përpiqen të tregohen të suksesshëm me luftën e tyre me agresivitetin tyre në arenën ndërkombëtare kundër pavarësisë së Kosovës”, shtoi Kurti.
Ai tha se presidenti Joe Biden e ka thënë shumë qartë se Kosova dhe Serbia kanë nevojë për një marrëveshje finale e cila bënë normalizimin e plotë të marrëdhënieve me njohjen reciproke në qendër dhe shtoi se pajtohet plotësisht me të.
Kurti tha se Kosova është shet normal që ka shënuar hapa të mëdhenj 2 vitet e fundit sa i përket rritjes ekonomike dhe luftimit të korrupsionit.
