Kryeministri i Kosovës, Albin Kurti, ka takuar ish-deputeten e Kuvendit të Kosovës, Vasfije Krasniqit Goodman.
Në këtë takim Kurti dhe Krasniqi kanë diskutuar për mbrojtjen e të drejtave të viktimave të dhunës seksuale gjatë luftës.
“Znj.Goodman ndau observimin e saj lidhur me punën e Komisionit Qeveritar për njohjen dhe verifikimin e statusit të personave të dhunuar gjatë luftës në Kosovë. Gjatë takimit u diskutua edhe fillimi i punës në dokumentimin dhe hulumtimin e krimeve të kryera gjatë luftës në Kosovë përmes Institutit të themeluar rishtazi”, thuhet në njoftimin e Zyrës së Kryeministrit.
Në njoftim është bërë e ditur se Kurti ka falënderuar Krasniqit për rolin e saj dhe angazhimin e pareshtur për gratë e dhunuara gjatë luftës së fundit në Kosovë.
“Kryeministri Kurti e falënderoi znj. Goodman për rolin e saj, angazhimin e pareshtur, kurajën e pashoq për avokimin e të drejtave të të mbijetuarave të dhunës seksuale gjatë luftës, si dhe për bashkëpunimin e vazhdueshëm”./teve1.info/
