Në margjinat e Javës së Nivelit të Lartë të Asamblesë së Përgjithshme të Kombeve të Bashkuara në Nju Jork, Kryeministri i Kosovës, Albin Kurti, është takuar me homologun e tij kroat, Andrej Plenkoviq.
Sipas Kurtit, në takim është diskutuar për marrëdhëniet bilaterale ndërmjet Kosovës dhe Kroacisë, zhvillimet rajonale, bashkëpunimin në fushën e sigurisë dhe mbrojtjes, si dhe procesin e integrimit të Kosovës në strukturat evropiane dhe euroatlantike.
Një nga çështjet e ngritura gjatë takimit ishte edhe rasti i Bajram Bajramit.
Kurti ka mirëpritur bashkëpunimin ndërmjet Ministrive të Drejtësisë të të dyja vendeve, duke theksuar se Bajrami, i cili ishte ndaluar, është liruar.
Në takim është diskutuar edhe për aktgjykimin e Dhomave të Specializuara të Kosovës.
Kurti ka thënë se ka theksuar atë që e cilëson si “asimetrinë e padrejtë të përgjegjësisë për luftën”.
Temë e diskutimit kanë qenë edhe personat e pagjetur dhe varrezat masive të zbuluara së fundmi në Kosovë.
Kurti ka ngritur gjithashtu çështjen e arkivave të Serbisë, duke thënë se mos-hapja e tyre vazhdon të krijojë vështirësi në zbardhjen e fatit të personave të zhdukur.
Një tjetër çështje e diskutuar ka qenë situata e shqiptarëve në Luginën e Preshevës.
Sipas Kurtit, me homologun kroat është diskutuar edhe për atë që ai e përshkroi si diskriminim të vazhdueshëm administrativ ndaj shqiptarëve në Preshevë, Medvegjë dhe Bujanoc.
Në fokus të takimit ishte edhe bashkëpunimi në fushën e mbrojtjes dhe atë ushtarake.
Kurti ka vlerësuar mbështetjen e Kroacisë për Kosovën në rrugën drejt Bashkimit Evropian, Këshillit të Evropës dhe integrimit euroatlantik.
Të dy kryeministrat kanë shkëmbyer gjithashtu pikëpamje për sfidat e sigurisë në rajon, ndikimin e Rusisë dhe nevojën për forcimin e bashkëpunimit ndërmjet vendeve dhe partnerëve në rajon./teve1.info/
On the margins of the UN General Assembly High-Level Week in New York, I had the pleasure of meeting with Croatian Prime Minister @AndrejPlenkovic. Our conversation covered bilateral relations, regional developments, security and defense cooperation, Kosova’s European and Euro-Atlantic integration, and Kosova’s economic development. I also welcomed the cooperation between our Ministries of Justice in the case of Bajram Bajrami, who had been wrongfully detained and was released today.
Regarding the judgment of the Specialist Chambers, I emphasized the unjust asymmetry of responsibility for the war. We also addressed the issue of missing persons and the newly discovered mass graves in Kosova, as well as the difficulties caused by Serbia’s failure to open its archives. Another important topic was the continued administrative discrimination against Albanians in the Presheva Valley.
I highly value our strong defense and military cooperation with Croatia, as well as Croatia’s continued support for Kosova’s path toward the European Union, the Council of Europe, and deeper Euro-Atlantic integration. We also exchanged views on regional security challenges, Russia’s influence, and the need for closer cooperation among our countries and partners.
— Albin Kurti (@albinkurti) September 22, 2026
