Gjatë takimit, ata kanë diskutuar rreth iniciativës së krijimit të Njësisë së Përkthimit dhe Harmonizimit, ka njoftuar Zyra e Kryeministrit.
Sipas njoftimit, Kurti ka falënderuar Kollyn për ndihmën e Ambasadës zvicerane për përkrahjen dhe ndihmën për krijimin e kësaj Njësie përmes së cilës do të sigurohet përkthimi i saktë i ligjeve dhe akteve nënligjore.
“Me krijimin e Njësisë sigurohet respektimi i Ligjit për Përdorimin e Gjuhëve dhe respekti për të drejtat e komuniteteve, por i kontribuon edhe sundimit të ligjit. Kryeministri Kurti falënderoi ambasadorin Davenport për ndihmën e OSBE-së gjatë hartimit të koncept-dokumentit të kësaj nisme, si edhe për gatishmërinë për të vazhduar përkrahjen gjatë implementimit të saj”, thuhet ndër tjerash në njoftim.
Tutje, ZKM-ja njoftoi se Davenport përgëzoi kryeministrin për interesimin dhe angazhimin për të siguruar përdorimin e gjuhëve zyrtare dhe se ka mirëpritur punën e Komisionerit për Gjuhë dhe të arriturat e deritashme./teve1.info/
