Kryeministri i Kosovës, Albin Kurti të hënën pasdite ka pritur në takim ambasadorët e Holandës, Suedisë, Belgjikës dhe Finlandës.
Sipas komunikatës së Qeverisë, temë qendrore e takimit ishte anëtarësimi i Kosovës në KiE, roli dhe përkrahja e çmuar e këtyre vendeve ndaj Kosovës përgjatë gjithë procesit, si dhe mbështetja e tyre në takimin e komitetit të ministrave, në vijë me votimin e Asamblesë Parlamentare muajin e kaluar.
Derisa, Kurti u shprehi mirënjohje dhe falënderim ambasadorëve për përkrahjen e pakushtëzuar të shteteve të tyre.
“Kryeministri u shprehi mirënjohjen dhe falënderimin ambasadorëve për përkrahjen e pakushtëzuar të shteteve të tyre përgjatë gjithë procesit. Kosova është demokracia e vetme evropiane që është jashtë Këshillit të Evropës. Anëtarësimi i bazuar në merita dhe vlera të përbashkëta sjellë përfitime për të gjithë qytetarët e Kosovës, sidomos komunitetet joshumicë, si dhe i kontribuon demokracisë, paqes dhe stabilitetit në rajon”, thuhet në komunikatë./teve1.info/
