Kryeministri i Republikës së Kosovës, Albin Kurt , zhvilloi një takim me Ambasadorin e Malit të Zi në Kosovë, Bernard Çobaj, ku u diskutuan zhvillimet aktuale politike dhe mundësitë për thellimin e bashkëpunimit në fusha të ndryshme.
Sipas Zyrës së Kryeministrit, të dy palët shprehën vullnetin për avancimin e partneritetit dypalësh dhe përforcimin e lidhjeve institucionale, me qëllim përfitimin e qytetarëve të të dy vendeve.
Çobaj gjithashtu e uroi Kryeministrin Kurti për mandatin e ri në krye të Qeverisë, duke riafirmuar marrëdhëniet shumë të mira mes dy vendeve dhe përkushtimin për vazhdimin e bashkëpunimit të ngushtë.
