Kryeministri në detyrë i Republikës së Kosovës, Albin Kurti, ka pritur në takim të parë ambasadoren e re të Estonisë në Kosovë, Karin Anna Maandi.
ZKM ka njoftuar se gjatë takimit u diskutua për marrëdhëniet bilaterale, sigurinë dhe integrimin euro-atlantik të Republikës së Kosovës.
“Kryeministri vlerësoi mbështetjen e Estonisë, si vend anëtar i Bashkimit Evropian dhe NATO-s, ndër të tjera në fushën e sundimit të ligjit dhe të qeverisjes digjitale. Kryeministri e falënderoi ambasadoren për mbështetjen e vazhdueshme të Estonisë ndaj Kosovës në proceset e anëtarësimit në organizata ndërkombëtare, teksa i uroi mirëseardhje dhe i ofroi bashkëpunim të plotë”, ka njoftuar ZKM.
