Kryeministri Albin Kurti ka pritur sot në takim emisarin e ri special të Norvegjisë për Ballkanin Perëndimor, Eirik Nestas Mathisen, me të cilin ka diskutuar mbi forcimin e marrëdhënieve bilaterale, çështje rajonale dhe tema me interes të përbashkët.
“Duke shprehur kënaqësinë për takimin me të dy përfaqësuesit, kryeministri vlerësoi marrëdhëniet e ngushta ndërmjet Republikës së Kosovës dhe Norvegjisë dhe shprehu mirënjohje për mbështetjen e vazhdueshme të Norvegjisë në zhvillimin socio-ekonomik të Kosovës”, thuhet në njoftim.
Kryeministri theksoi se Marrëveshja Tregtare mes Republikës së Kosovës dhe vendeve të EFTA-s, ku përfshihet Norvegjia, paraqet mundësi të reja për thellimin e marrëdhënieve tregtare dhe raporteve bilaterale.
Kurti i ofroi bashkëpunim të ngushtë emisarit të ri, Mathisen, dhe e falënderoi emisarin Blankenborg për angazhimin dhe kontributin e tij të deritanishëm, duke i uruar suksese në angazhimet e ardhshme.
