Kryeministri i Kosovës, Albin Kurti do të takohet sot me presidentin turk, Recep Tayyip Erdogan.
Kështu ka njoftuar agjencia turke Anadolu.
“Sipas njoftimit të Drejtorisë së Komunikimeve të Presidencës turke, kryeministri i Kosovës, Albin Kurti nesër me ftesë të presidentit Recep Tayyip Erdogan do të qëndrojë për një vizitë pune në Turqi.
Gjatë takimit që do të mbahet në Stamboll, do të shqyrtohen në aspekte të ndryshme marrëdhëniet dypalëshe mes Turqisë dhe Kosovës dhe do të diskutohen hapat që mund të ndërmerren për zhvillimin e mëtejshëm të bashkëpunimit, thuhet në njoftim.
