Paraditen e sotme, kryeministri i vendit, Albin Kurti ka takuar shefin e zyrës së BE-së në Kosovë, Tomas Szunyog.
Gjatë këtij takimi, dyshja kanë diskutuar për sulmin e 24 shtatorit në veri të Kosovës, si dhe procesin e Berlinit, përcjell teve1.info
Me këtë rast, ambasadori Szunyog i ka shprehur ngushëllime edhe njëherë kryeministrit për vdekjen e rreshterit Afrim Bunjaku, teksa e njoftoi edhe për për përgatitjet që Komisioni Evropian është duke i bërë në finalizimin e Raportit të Vendit për vitin 2023.
“Ambasadori Szunyog i shprehu edhe një herë ngushëllime kryeministrit, familjes Bunjaku dhe popullit të Kosovës, për heroin e Kosovës, Afrim Bunjaku, rreshterin e Policisë i cili ra në detyrë, në mbrojtje të rendit, ligjshmërisë, kushtetutshmërisë, sovranitetit shtetëror dhe integritetit territorial. Ambasadori, më tej, e njoftoi kryeministrin Kurti për përgatitjet që Komisioni Evropian është duke i bërë në finalizimin e Raportit të Vendit për vitin 2023, i cili pritet të miratohet në pjesën e parë të muajit nëntor”, bëhet e ditur në njoftimin e Zyrës së Kryeministrit. /Teve1.info/
