Kryeministri i Kosovës, Albin Kurti, ka thënë se kanë synim të qartë dhe përkushtim të pa rezervë për rrugën euroatlantike të vendit.
Ai këto komente i ka thënë në hapjen e ekspozitës të titulluar “Njëzet e pesë vjet të Republikës së Çekisë në NATO”, organizuar nga ambasada e Çekisë në Prishtinë.
Kurti e uroi ambasadorin çek në Kosovë, Bohumil Mazanek me rastin e këtij përvjetori të rëndësishëm, dhe e falënderoi atë dhe shtetin e Çekisë për rolin dhe kontributin në rrafshin e sigurisë, thuhet në komunikatën e Qeverisë.
Republika e Çekisë së bashku me Poloninë dhe Hungarinë, tri shtete të ish “Bllokut Lindor”, u bënë anëtare të NATO-s më 12 mars të vitit 1999.
