Pavarësisht dorëheqjes, Albin Kurti qytetarëve po iu drejtohet si Kryeministër i Kosovës në detyrë.
Bashkë me kabinetin e tij qeveritar, mbajti mbledhjen e Qeverisë të mërkurën.
Madje ai thotë se kjo është në rregull ligjërisht.
Kurti nuk harron të përmend praktika të njëjta në të kaluarën.
Për moskonstituimin e Kuvendit, fajin ia la opozitës edhe ministri i financave në detyrë, Hekuran Murati.
Madje Murati u pyet nga gazetarët edhe se si e merr rrogën muajin e ardhshëm, si deputet apo si ministër.
E sipas Grupit për Studime Juridike dhe Politike, kundër-kushtetutshmëria nga partia në pushtet ka filluar që nga 27 marsi.
“Anëtarët me post ekzekutiv, nuk kanë qenë të obliguar për të dhënë dorëheqje, por që është dashur të zgjedhin cilin post dëshirojnë të mbajnë (apo asnjërin), por jo që të dy ato. Meqenëse disa deputetë të certifikuar më 27 Mars kanë gëzuar edhe post ekzekutiv, rrjedhimisht, me certifikimin e të njëjtëve nga ana e KQZ-së, edhe është shkelur Kushtetuta – gjendje kundër-kushtetuese që vazhdon edhe sot. Bazuar në Nenin 70.3.3 të Kushtetutës, mandati i deputetëve që mbanin njëkohësisht post ekzekutiv, që nga certfikimi duhet të konsiderohet si “i pavlefshëm”/”mbar[uar].” Prandaj, as ndonjë verifikim eventual i mandateve së të njëjtëve nga Komisioni Verifikues i Kuvendit të Kosovës, nuk mund të rikthej vlefshmërinë e këtyre mandateve”
Të martën, nuk u arrit konstituimi i Kuvendit të Kosovës për shkak që Vetëvendosje dhe Nisma votuan për komisionin e përkohshëm për verifikimin e mandateve të deputetëve ndërsa PDK-ja, LDK-ja,
AAK-ja dhe Lista Serbe kundër.
