Kryeministri i vendit, Albin Kurti ka shprehur ngushëllime për vdekjen e drejtorit dhe kryesuesit të Bordit të Agjencisë Kosovare të Privatizimit.
Ai në Facebook ka thënë se emri i tij mbetet i lidhur përjetësisht me Kosovën, ekonominë dhe industrinë e saj.
Tutje theksoi se Nazmi Mikullovci ishte përfaqësuesi i një gjenerate të jashtëzakonshme profesionistësh që projektuan dhe realizuan në masë të gjerë vetëqëndrueshmërinë ekonomike të Kosovës.
Teksa tha se për të ka qenë më shumë se sa një bashkëpunëtor në më shumë se sa një dekadë.
“Emri i tij mbetet i lidhur përjetësisht me Kosovën, ekonominë dhe industrinë e saj. Nazmi Mikullovci është përfaqësuesi i një gjenerate të jashtëzakonshme profesionistësh që projektuan dhe realizuan në masë të gjerë vetëqëndrueshmërinë ekonomike të Kosovës. Kushdo e njeh atë si Drejtorin e Trepçës në vitet e shkëlqyera të industrializimit të vendit. Ndërsa shumë nga ne si orientuesin e përpiktë se si të optimalizohen mundësitë vendore në industri dhe ekonomi. Për mua ka qenë më shumë se sa një bashkëpunëtor në më shumë se sa një dekadë”, shkroi Kurti./teve1.info./
