Kryeministri i vendit, Albin Kurti, është takuar me shefin e misionit të Luksemburgut në Kosovë, Eric Dietz, raporton teve1.info.
Në këtë takim është diskutuar për marrëdhëniet bilaterale, bashkëpunimi i Qeverisë me misionin e Luksemburgut dhe për mundësitë e reja.
Zyra e kryeministrit njofton se Kurti ka shprehur mirënjohjen e tij ndaj kontributit të Luksemburgut.
“Kryeministri Kurti shprehu mirënjohjen e tij ndaj kontributit të vazhdueshëm të Luksemburgut dhe mbështetjen financiare në projekte të ndryshme të fushave të shumta”, thuhet në njoftim.
Kurti, është bërë e ditur se ka njoftuar Dietz për punën e Qeverisë, arritjet përgjatë dy viteve të fundit, reformat e ndërmarra dhe për progresin ekonomik dhe demokratik.
“U diskutua edhe për procesin e dialogut, propozimin evropian për Marrëveshje Bazike për normalizim të marrëdhënieve ndërmjet Kosovës dhe Serbisë dhe për takimin që pritet të mbahet me 18 mars në Ohër të Maqedonisë së Veriut”, thuhet tutje në njoftim.
