Kryeministri i Kosovës, Albin Kurti, thotë se minoritetet në Kosovë kanë shumë parti politike, përpos serbëve që thotë se i përfaqëson një parti dhe ajo kontrollohet nga Beogradi.
Kurti ka shkruar se Beogradi nuk po lejon pluralitet politik brenda komunitetit serb në Kosovë, duke thënë se nënkryetari i Listës Serbe, Milan Radojçiq ishte pjesë e sulmeve terroriste gjatë kësaj jave.
”Shumica e grupeve minoritare në Kosovë kanë shumë parti politike. Por Beogradi lejon që grupi më i madh,serbët të Kosovës, të kenë vetëm një, të cilin e kontrollon. Zëvendëspresidenti i asaj partie, Milan Radoiçiç – një kriminel i sanksionuar nga SHBA-ja dhe Britania e Madhe. Ai luajti një rol udhëheqës në sulmet terroriste të kësaj jave”, ka shkruar Kurti në “X”.
Ai tha se serbët në Kosovë kanë nevojë për pluralitet politik.
”Shqetësimet për të drejtat e serbëve të Kosovës nuk janë të bazuara nëse ata injorojnë të drejtën për pluralitet politik dhe nevojën për përfaqësim të lirë nga kriminelët e sanksionuar nga perëndimi, të cilët kanë qenë të përfshirë në vrasjen e policëve dhe terrorizimin e njerëzve që duhet të përfaqësojnë“, ka shkruar tutje kryeministri.
Most minority groups in 🇽🇰 have multiple political parties. But Belgrade allows the largest group, 🇽🇰 Serbs, to have only one, which it controls. That party’s VP, Milan Radoicic—a criminal sanctioned by 🇺🇲 & 🇬🇧—played a leading role in this week’s terrorist attacks.
— Albin Kurti (@albinkurti) September 28, 2023
