Kurti tha se opinionet e Komisionit të Venecias për këto dy çështje tregon se reformat e propozuara nga Qeveria janë në pajtim me politikat e shteteve demokratike, raporton Teve1.info
“Sot jemi këtu për të prezantuar Vettingun dhe konfiskimin e pasurisë së pajustifikueshme. Të dy këto të vlerësuara lartë nga Komisioni i Venecias që Qeverisë së Kosovës ia ka falur besimin profesional për të jetësuar reformën e premtuar. Komisioni i Venecias na bind që reformat janë adekuate dhe në pajtim me politikat e shteteve demokratike”, tha ai.
Ai thotë se reformimi i gjyqësorit përbrenda nën ndikimin e mekanizmave aktual e akterëve momental nuk është i mundur dhe sipas tij, rivlerësimi dhe verifikimi i aftësive të krerëve të pushtetit gjyqësor dhe prokurorial po fillon me mekanizmat e jashtëm.
“Të gjithë jemi dëshmitar të njollosjes së shpeshtë të gjyqësorit nga vet gjyqtarë dhe prokurorë me veprime dhe sjellje të pandërgjegjshme të korruptuara apo të ngjyrosura politikisht. Gjyqësori i atillë kërcënon lirinë dhe sfidon shtetësinë. Gjyqësor të atillë nuk duhet. Reformimi i gjyqësorit përbrenda nën ndikimin e mekanizmave aktual e akterëve momental nuk është i mundur. Këtë e kemi të konfirmuar edhe nga komisioni i Venecias. Përderisa nuk ka dyshim që mekanizmat e ndërtuar kanë potencial të sigurojnë pavarësi të njëjtën nuk mund ta bëjnë nën drejtimin e gjyqtarëve dhe prokurorëve të veshur me dyshimin për mungesë etike e profesionalizmi. Prandaj rivlerësimin dhe verifikimin e aftësive të krerëve të pushtetit gjyqësor dhe prokuroria e risimin me mekanizmat e jashtëm dhe të pavarur nga çdo ndërhyrje”, tha Kurti.
Ai tha se pas miratimit të strategjisë për sundimin e ligjit i është hapur rrugë vettingut.
“Pas miratimit të strategjisë për sundimin e ligjin, reformimin e sistemit prokurorial dhe planifikimin të krijimit sa më të shpejt të gjykatës komerciale, hapim rrugën për vetingun e shumëpritur të kompletuar me ligjin për Byronë për Konfiskimin e Pasurisë së fituar në mënyrë të paligjshme”, deklaroi Kurti. /teve1.info/
