Kryeministri në detyrë Albin Kurti, e ka mirëpritur njohjen e re të shtetit të Kosovës nga Republika e Sudanit.
Ai pret zgjerim dhe fuqizim të marrdhënieve diplomtike të të dyja vendeve, pas njohjes së sotme, derisa edhe shprehet mirënjohës ndaj presidentes Vjosa Osmani.
”Shtetit tonë iu shtua edhe një njohje e re e popullit tonë një miqësi më shumë. E mirëpresim njohjen nga shteti i Sudanit, e cila vjen disa javë pas asaj nga Kenia. Vendosja e marrëdhënieve diplomatike mes dy shteteve tona shpresojmë të zgjerohet dhe fuqizohet më tej.
Urime qytetarëve të Republikës sonë dhe faleminderit Presidentit të Sudanit për këtë vendim të rëndësishëm për marrëdhënien mes dy vendeve tona, si dhe Presidentes sonë për angazhimin e saj e miqve dhe partnerëve tanë për mbështetjen e vazhdueshme”, ka shkruar Kurti.
