Kurti ka ftuar të gjithë qytetarët e Kosovës që të mos bëjnë panik, e të ndihen të sigurt sa i përket mungesës së miellit, shkruan teve1.info
“Ka rezerva dhe rrjedhimisht nuk ka vend për panik i ftoj të gjithë qytetarët e Republikës së Kosovës që të ndjehen të sigurt siç është edhe situata në vendin tonë”, ka thënë ai.
Ai tutje ka thënë se ka takuar udhëheqësit e Shoqatës së Mullistëve, të cilët e kanë siguruar që në Kosovë ka miell së paku për tre muaj.
“Para se të vijë në këtë konferencë unë takova udhëheqësit e Shoqatës së Mullistëve, e takova kryetarin, Bashkim Zejnullahun dhe Drejtorin e Muhamet Farizi të cilët më siguruan që në Kosovë edhe për dy muaj ka grurë që ende nuk është bluar dhe ka miell për së paku tre muaj”, ka thënë ai.
E të gjithë ata qytetarë që kanë blerë më shumë miell se që duhet, Kurti në këtë konferencë i ka inkurajuar që miellin ta qojnë në furrë sepse nuk ka vend për panik./teve1.info
