Kryeministri në detyrë i Kosovës, Albin Kurti ka thënë se deputetët e Kuvendit të Kosovës janë para dy përzgjedhjeve për formimin e qeverisë, “Kurti 2.5 deri në dhjetor ose Konjufca 1 deri në prill”.
Ai ka thënë ka përsëritur se nuk është mirë që të ketë zgjedhje në dhjetor ose në prill.
“Ka ngelur edhe 10 ditë, mandati i është dhënë nga presidentja Osmani Konjufcës, ne urojmë për më të mirën. Ritheksojmë se nuk mendojmë që është punë e mençur të shkojmë në zgjedhje në dhjetor dhe sërish në prill, deputetët janë para përzgjedhjes ose Kurti 2.5 deri dhjetor ose Konjufca 1 deri në prill, por pa asnjërën prej tyre duhet të përcaktohet për njërën prej tyre”, tha Kurti.
Ai këto deklarime i ka bërë pas vizitës në Institutin e Krimeve të Kryera gjatë Luftës në Kosovë.
I mandaturi për kryeministër, Glauk Konjufca u ka bërë thirrje partive opozitare për bashkëpunim duke thënë se nuk do të propozojnë ndonjë marrëveshje për koalicion./teve1.info/
