Kryetari i Lëvizjes Vetëvendosje, Albin Kurti, ka prezantuar Krenare Çerkinin si anëtare të kësaj partie e cila do të jetë pjesë e listës për deputetë në zgjedhjet e 7 qershorit.
Çerkini siç e ka prezantuar Kurti është duke kryer studimet e doktoraturës në Bruksel dhe ka përvojë si pedagoge universitare.
“Krenarja vjen nga Ferizaj dhe përfaqëson një profil të ri të lidershipit – një kombinim mes shkëlqimit akademik, angazhimit publik dhe përkushtimit qytetar ndaj arsimit dhe rinisë. Ajo ka përfunduar paralelisht dy studime bachelor dhe dy programe masteri me sukses të lartë, ndërsa aktualisht vazhdon studimet e doktoratës në Bruksel. Me përvojë si pedagoge universitare dhe pjesëmarrje në iniciativa ndërkombëtare për arsim dhe të rinj, ajo ka ndërtuar një profil të fuqishëm profesional dhe publik. Krenarja është edhe bashkëshorte dhe nënë e një djali. Jam i lumtur që nga sot bëhet pjesë e subjektit tonë fitues për deputete në legjislaturën e 11-të. Mirë se vjen, Krenare!”, ka shkruar Kurti.
