Kryeministri në detyrë, Albin Kurti, të hënën ka pritur në takim mirëseardhës ambasadorin e ri të Italisë në Kosovë, Maurizio Antonini.
Në këtë takim të parë thuhet se u nënvizua partneriteti i fortë ndërmjet dy vendeve ‘veçanërisht roli i rëndësishëm i Italisë në mbështetjen e paqes dhe sigurisë përmes kontributit të saj në misionin e NATO-s, KFOR’.
Sipas Zyrës së Kryeministrit, Kurti dhe Antonini gjithashtu diskutuan edhe për nevojën dhe mundësitë për thellimin e mëtejmë të bashkëpunimit bilateral, me fokus në fushën e ekonomisë, sigurisë e mbrojtjes dhe shkëmbimeve kulturore.
“Kryeministri shprehu mirënjohjen për mbështetjen e Italisë në integrimin euroatlantik të Republikës së Kosovës”, thuhet në komunikatë./teve1.info/
