Kryeministri në detyrë, Albin Kurti, ka pritur këngëtarin e njohur Alban Skënderaj.
Skënderaj ka mbajtur koncert në Prishtinë për katër netë.
Kurti e përgëzoi atë për koncertet dhe i dëshiroi suksese në karrierë.
“Në bisedën time të parë të gjatë me Alban Skënderaj, diskutuam për energjinë, lirinë, progresin dhe kureshtjen që gëzon rinia shqiptare sot. Kosova dhe Shqipëria përpara kanë vetëm zhvillimin e pakthyeshëm, të cilit i prin edhe arti e kultura e artistëve tanë të shumtë”.
“Ndërkohë për katër netë me radhë ai emocionoi shumë dashamirës të muzikës së tij, me performanca mbi dy orëshe në palestrën “1 Tetori” të Prishtinës. Përgëzime Albanit për koncertet e tij të jashtëzakonshme në Prishtinë. I uroj edhe shumë dekada të tjera karrierë të suksesshme”, ka shkruar Kurti në Instagram.
View this post on Instagram
