Përmes një komunikate për medie nga Zyra e Kryeministrit, thuhet se në takim u kujtuan zhvillimet e vitit 1999 në Kosovë.
“Në bashkëbisedimin e ngrohtë, kujtuan zhvillimet e vitit 1999 dhe rolin vendimtar të Britanisë së Madhe në çlirimin e Kosovës nën drejtimin e laburistëve Tony Blair dhe Robin Cook.
Sipas njoftimit, kryeministri Kurti ka theksuar nevojën për rritjen e bashkëpunimit mes institucioneve të sigurisë së Kosovës dhe Britanisë së Madhe në luftimin e, siç thuhet në komunikatë “akterëve malinj që synojnë destabilitetin e Kosovës dhe rajonit”.
Kurti veçoi mundësitë për rritjen e shkëmbimit tregtar mes Kosovës dhe Britanisë së Madhe, si dhe investimet në sektorin energjisë.
Ndërsa z. Lammy ofroi bashkëpunimin e tij, ai theksoi nevojën e identifikimit sa më shumë fusha të bashkëpunimit dhe partneritetit në mes të dy vendeve, ashtu që Britania e Madhe të mund të ndihmojë sa më shumë Kosovën.
“Në takim u diskutua edhe për çështjet aktuale, duke përfshirë dialogun dhe nevojën për normalizim të marrëdhënieve me Serbinë, si dhe çështjet e sigurisë”, thuhet në komunikatë.
Sipas Komunikatës, Kurti është shprehur se Kosova ka shënuar progres pavarësisht krizës botërore me pandeminë COVID-19 dhe krizën energjetike.
