Kryeministri në detyrë, Albin Kurti, ka pritur në takim shefen e Misionit të Bashkimit Evropian për Vëzhgimin e Zgjedhjeve Parlamentare në Kosovë 2025, Nathalie Loiseau.
Në komunikatën e Kryeministrisë thuhet se gjatë takimit, Loiseau i ka dorëzuar Kurtit raportin përfundimtar të misionit mbi zgjedhjet e mbajtura më 9 shkurt 2025.
“Kryeministri Kurti shprehu mirënjohjen për angazhimin e Misionit të BE-së në mbikëqyrjen e procesit zgjedhor dhe theksoi rëndësinë e rekomandimeve të raportit për përmirësimin e mëtejshëm të proceseve demokratike në vend”, thuhet në komunikatë.
Gjatë diskutimit, ai bëhet e ditur se po ashtu ka ngritur si çështje mungesën e verifikimit nga gazetarët hulumtues profesionistë të realizueshmërisë së premtimeve të dhëna gjatë fushatës zgjedhore.
Gjatë diskutimit, ai ngriti disa çështje me rëndësi që lidhen me procesin zgjedhor, përfshirë:-mungesën e verifikimit nga gazetarët hulumtues profesionistë të realizueshmërisë së premtimeve të dhëna gjatë fushatës zgjedhore nga përfaqësues të partive politike, veçanërisht nga kandidatët për kryeministër, të cilat rrezikojnë të cenojnë besimin e qytetarëve dhe dëmtojnë demokracinë; -financimin e fushatave zgjedhore të partive politike, duke theksuar nevojën për transparencë të plotë të burimeve të financimit dhe kontributeve të marra gjatë fushatës; dhe -stërgjatjen e numërimit të votave.
Ndërkaq, theks të veçantë, kryeministri në detyrë i ka dhënë konstatimit të Misionit për ndërhyrje të jashtme në procesin zgjedhor, i cili ndër të tjera ka evidentuar përhapjen e dezinformatave nga mediat ruse me bazë në Serbi, si “RT Balkans” dhe “Sputnik Srbija” që kanë shpërndarë mbi 60 artikuj me synonim manipulimin e komunitetit serb në Kosovë. Këto përpjekje për dezinformim, tha Kurti, përbëjnë një kërcënim serioz për integritetin e zgjedhjeve dhe stabilitetin demokratik të vendit.
“Në këtë takim, si konstatim i përbashkët, u vlerësua lartë sjella e qytetarëve përgjatë procesit zgjedhor dhe niveli i lartë i demokracisë pa incidente. Kryeministri Kurti riafirmoi përkushtimin e Qeverisë së Kosovës për të adresuar rekomandimet e raportit”, theksohet në komunikatë./teve1.info/
