Kryeministri i Kosovës, Albin Kurti, ka thënë se me hapjen e misionin të Kosovës në Poloni po zgjerohet e forcohet bashkëpunimi me këtë shtet.
Ai ka thënë se Polonia është shtet mik që e ka ndihmuar Kosovën në vazhdimësi.
“Poloninë e kemi shtet mik për shumë vite. Na ka mbështetur ndër vite. Me hapjen e Misionit të Kosovës në Poloni sivjet, po zgjerojmë dhe forcojmë partneritetin ndërmjet dy shteteve dhe popujve tanë”, ka shkruar Kurti në Facebook.
Ai bashkë me ministrin e Mbrojtjes, Ejup Maqedonci kanë marrë pjesë në Forumin për Siguri të Varshavës.
Atje Kurti ka zhvilluar disa takime ku është takuar edhe me zëvendëskryeministrin e Polonisë, Krzysztof Gawkowski.
Kurti është takuar edhe me mërgatën në Poloni.
“Diaspora jonë është bosht i rëndësishëm i lidhjeve tona me Poloninë, ku bashkërisht duhet të intensifikojmë përpjekjet për forcimin e mëtejmë të marrëdhënieve dypalëshe me këtë shtet”, tha Kurti.
